کچہ آپریشن، متعدد ڈاکو ہلاک و گرفتار، ٹھکانے تباہ،پاک فوج کے سنائپرز بھی پہنچ گئے

رحیم یار خان (بیورورپورٹ)کچہ آپریشن، متعدد ڈاکو ہلاک و گرفتار، ٹھکانے تباہ،پاک فوج کے سنائپرز بھی پہنچ گئے،تفصیلات کے مطابق سندھ اور پنجاب کے کچے کے علاقوں میں پولیس کا گرینڈ آپریشن آٹھویں روز بھی جاری رہا ،متعدد ڈاکو ہلاک اور گرفتار کرلیے گئے، ڈاکوو¿ں کے 8 سہولت کار بھی پکڑے گئے۔

پولیس نے ڈاکووں ،عسکریت پسندوں کے 4 ٹھکانے جلا دئیے، لٹھانی گینگ کے ٹھکانے تباہ کر کے قبضے میں لے لیے،ایس ایس پی عرفان سموں کے مطابق پولیس ،ڈاکووں کے درمیان وقفے وقفے سے فائرنگ کا تبادلہ جاری رہا،ڈاکووں کے متعدد ٹھکانوں کو آگ لگا دی ۔

انڈس ہائی وے و دیگر سڑکوں پر پولیس کا گشت بڑھا دیا،مغویوں کو باحفاظت بازیاب کرانا ترجیح ہے،ادھر پاک فوج کی بکتر بند گاڑیاں اور سنائپرز بھی آپریشن میں حصہ لینے کےلئے کچے کے علاقے میں پہنچ گئے،پولیس کے مطابق پاک فوج کی جدید ترین بکتر بند گاڑیوں کے ذریعے ڈاکووں کی پناہ گاہوں کو ختم کیا جائے گا،پولیس حکام کے مطابق سنائپرز کے ذریعے دشمن کو دور سے ٹارگٹ کر کے پولیس کے دستے آگے بڑھیں گے۔