9مئی کا ماسٹر مائنڈ جھوٹ بے نقاب ہونے کے خوف سے راہ فرار اختیار کر رہاہے:عظمیٰ بخاری

لاہور: (اپنے رپورٹر سے) وزیر اطلاعات پنجاب عظمیٰ بخاری نے کہا ہے پولی گرافک ٹیسٹ سے انکار کر کے 9 مئی کا ماسٹر مائنڈ اپنا جھوٹ بے نقاب ہونے کے خوف سے راہ فرار اختیار کر رہا ہے، 9 مئی بغاوت ،ریاست کےخلاف سازش تھی، کرداروں ،سہولت کاروں کو نتائج بھگتنا پڑیں گے۔


اپنے بیان میں عظمیٰ بخاری نے کہاحسب روایت بانی پی ٹی آئی نے تیسری مرتبہ پولی گرافک ٹیسٹ کرانے سے انکار کر دیا ، بانی پی ٹی آئی 3 دن سے پولی گرافک ٹیسٹ کرنےوالی ٹیم سے چھپ رہے ہیں، کبھی بادشاہ سلامت سو کر نہیں اٹھے کبھی کھانا کھا رہے ہیں ،کبھی وکلا نہیں آئے، بانی پی ٹی آئی کو یقین نہیں ہو رہا سزا یافتہ مجرم اور جیل میں قید ہیں، بانی پی ٹی آئی جان لیں یہ بنی گالہ نہیں اڈیالہ ہے۔

وزیراطلاعات نے کہالاہور پولیس پیچھے پیچھے اور 9مئی کا معصوم ماسٹر مائنڈ آگے آگے ہے،بانی پی ٹی آئی کی بہنیں اور پارٹی قیادت روزانہ عدالتی احکامات کی دلیلیں دیتے ہیں لیکن عمران خان خود عدالتی احکامات کو ماننے کےلئے تیار نہیں ۔