انتشار کیلئے فنڈنگ کہاں سے آتی ،سب کو پتہ ہے:عطا تارڑ

اسلام آباد:(بیورورپورٹ)وزیر اطلاعات و نشریات عطا تارڑ نے کہا ہے بلوچستان کے مسائل کی ذمہ داری صرف ایک ادارے پر ڈالنا درست نہیں،انتشار کیلئے فنڈنگ کہاں سے آتی ہے،سب کو پتہ ہے،جوانوں کو آگاہی دیکر درست راستے پر لاناہوگا۔

قائمہ کمیٹی کو بریفنگ دیتے ہوئے عطا تارڑ کہاپتہ ہے کون نہیں چاہتا پاکستان کا ترانہ نہ پڑھا جائے،ماہ رنگ بلوچ حکومتی سکالرشپ کے پیسوں پر ڈاکٹر بنی اب نوجوانوں کو مس گائیڈ کر رہی ہے،ترقیاتی فنڈز کے 100 فیصد استعمال کو یقینی بنانا متعلقہ صوبوں کی ذمہ داری ہے،پیکا ایکٹ کسی پرقدغن نہیں بلکہ لوگوں کے تحفظ کیلئے ہے،الیکٹرانک اور پرنٹ میڈیا کی سپیس بڑھے گی،دنیا کے تمام ممالک میں قانون موجود ہے۔