پنجاب میں سبزیوں کی قیمتیں 6سال کی کم ترین سطح پر آگئیں‘عظمیٰ بخاری

لاہور: ( اپنے رپورٹر سے)وزیراطلاعات عظمیٰ بخاری نے کہاہے پنجاب میں سبزیوں کی قیمتیں 6سال کی کم ترین سطح پر آگئیں،کوشش ہے عید الاضحی پر بھی سبز مصالحہ جات کی قیمتوں کو برقرار رکھا جائے۔

اپنے بیان میں عظمیٰ بخاری نے کہاسبزیوں کی قیمتوں میں اضافے کی خبریں بے بنیاد ہیں،نرخ 100روپے تک کم ہوگئے،طلب بڑھنے پر لیموں کی قیمت بڑھی،نیا سیز ن آتے ہی لیموں بھی سستا ہوجائےگا، وزیراعلیٰ پنجاب مریم نواز کی ذاتی دلچسپی سے سبزیوں کی قیمتیں کم ہورہی ہیں، مریم نواز نے پرائس کنٹرول مجسٹریٹس کو قیمتیں کنٹرول کےلئے متحرک کیا۔

وزیر اطلاعات نے کہاوزیراعلیٰ مریم نواز ہفتے میں ایک مرتبہ لازمی پرائس کنٹرول پر میٹنگ کرتی ہیں،صوبے بھر کے ڈی سی،اے سی اور کمشنر پرائس کنٹرول کےلئے روزانہ مارکیٹوں کے وزٹ کرتے ہیں۔