عوامی خدمت پیپلز پارٹی کی بنیاد،ملکی بہتری کیلئے سب کو کردار ادا کرنا ہوگا،گورنر پنجاب

لاہور: (سٹاف رپورٹر)گورنر پنجاب سردار سلیم حیدر خان سے گورنر ہاﺅس لاہور میں پیپلزپارٹی وسطی پنجاب کے مختلف وفود نے ملاقات کی، ملاقات میں پیپلزپارٹی ساہیوال، قصور اور پی وائے او کے عہدیدار شامل تھے،وفود نے گورنر پنجاب سردار سلیم حیدر خان کو عہدہ سنبھالنے پر مبارکباد دی، گورنر پنجاب فردا فردا تمام افراد سے ملے ،مسائل سنے،سیکرٹری انفارمیشن شہزاد سعید چیمہ ،سیکرٹری ریکارڈز اینڈ ایونٹس احسن رضوی بھی موجودتھے۔

اس موقع پر گفتگو کرتے ہوئے گورنر پنجاب سردار سلیم حیدر نے کہا ملکی بہتری کےلئے سب کو مثبت کردار ادا کرنا ہے،پنجاب کی بہتری اور اپنی آئینی ذمہ داریوں کو احسن طریقے سے ادا کرنا ترجیح ہے،پیپلز پارٹی کی بنیاد ہی عوامی خدمت ہے ،میری کوشش ہوگی جب تک عہدے پر ہوں آپ کے حقوق کےلئے ہر مقام، ہر سطح اور ہر فورم پر آواز بلند کروں اور اپنا کردار بھی نبھاﺅں ،سردار سلیم حیدر نے کہاقیادت کا مطمع نظر صرف اور صرف عوام کی خوشحالی و مستحکم پاکستان ہے،میرے دروازے کارکنوں اور عوام کےلئے ہمیشہ کھلے ہیں۔