شر پسند ٹولہ سن لے!9مئی کا حساب دینا پڑےگا:عظمیٰ بخاری

لاہور: ( اپنے رپورٹر سے)وزیر اطلاعات پنجاب عظمیٰ بخاری نے کہاہے شر پسندوں کا ٹولہ سن لے!9مئی کا حساب دینا پڑےگا،واقعات کو ایک سال مکمل ہو گیا لیکن ابھی تک ایک بھی ملزم کو سزا نہیں مل سکی۔

اپنے بیان میں عظمیٰ بخاری نے کہاشرپسندوں کے ٹولے نے منظم پلاننگ کےساتھ فوجی تنصیبات پر حملے کیے،حملوں سے قبل نوجوانوں کی ایک سال تک ذہن سازی کی گئی، قومی سلامتی کے اداروں کےخلاف لوگوں کے ذہنوں میں زہر گولہ گیا،ماسٹر مائنڈ کے اپنے بچے لندن بیٹھے جبکہ قوم کے بچے جیلوں اور عدالتوں میں پیشیاں بھگت رہے ہیں، بانی پی ٹی آئی نے قوم کی اخلاقیات کو تباہ کر دیا۔

وزیر اطلاعات نے کہاوزرائے اعظم کو پھانسی دی گئی، گولیاں ماری گئیں، نااہل ،جلا وطن کیا گیا، انوکھا لاڈلہ تھا جس کی گرفتاری پر جناح ہاوس،جی ایچ کیو پر حملے کئے گئے ،ریڈیو پاکستان کو جلا دیا گیا،ماسٹر مائنڈ، سہولت کاروں اور کرداروں کو کیفر کردار تک پہنچایا جائے،ہر پاکستانی شہداءکی قربانیوں پر فخر کرتا ہے لیکن بدبخت ٹولے نے اپنے ہی شہداءکا تمسخر اڑایا،شہدا کے لواحقین عدالتوں کی جانب دیکھ رہے ہیں مجرموں کو سزائیں کب ملیں گی؟۔