کسانوں کے مسائل حل ،گندم کی خریداری میں شفافیت یقینی بنائینگے،شہبازشریف

لاہور:(اپنے رپورٹر سے) وزیراعظم شہبازشریف نے کہاہے کسانوں کے مسائل ترجیحی بنیادوں پر حل کریں گے،گندم کی خریداری میں شفافیت کویقینی بنایا جائے گا۔

وزیراعظم شہبازشریف سے جامعہ نعیمیہ کے ناظم اعلیٰ ممتاز مذہبی سکالر ڈاکٹرراغب نعیمی نے ملاقات کی اورسعودی وزیرخارجہ کے دورہ پاکستان پرمبارکباددی،ملاقات میںامن وامان سمیت ملکی سیاسی ومعاشی صورتحال پرتبادلہ خیال کیا گیا۔

راغب نعیمی نے وزیراعظم شہبازشریف سے درخواست کی پنجاب کی مختلف یونیورسٹیز میں وائس چانسلر کی خالی آسامیوں پرجلدتعیناتیاں کی جائیں،گندم کی فروخت پر کسانوں کودرپیش مسائل حل کیے جائیں۔

وزیراعظم شہبازشریف نے ڈاکٹرراغب نعیمی کی تجویز سے اتفاق کرتے ہوئے کہا کسانوں کے مسائل کوترجیحی بنیادوں پرحل کیاجائے گا،کسان ملکی معیشت میں ریڑھ کی ہڈی کی حیثیت رکھتے ہیں۔