تہذیب کا دشمن جیل میں پڑا، کہتا ہے جھوٹے مقدمات ہیں،فضل الرحمن

بنوں:(بیورورپورٹ)جے یوآئی سربراہ فضل الرحمن نے کہاہے تہذیب کا دشمن جیل میں پڑا ، قانون حرکت میں آنے پر کہتا ہے جھوٹے مقدمات ہیں۔

بنوں میں جلسے سے خطاب کرتے ہوئے فضل الرحمن نے کہابانی پی ٹی آئی پر ایسے مقدمات بن رہے ہیں جن کا سوچ بھی نہیں سکتے،بنوں والے وفادار لوگ ہیں، 60 سال گزرنے کے باوجود عوام کی جمعیت سے وابستگی مضبوط ہوئی ،دنیا میں حقیر کی نظر سے دیکھا جارہاہے،امن ہوگا تو جان ،مال محفوظ اور خوشحالی ہوگی۔

سربراہ جے یوآئی نے کہابدامنی روز بروز بڑھتی جا رہی ہے، امیر امیر تر غریب غریب تر ہو رہا ہے،آئین کہتا ملک میں اسلامی نظام ہوگا،تعصب کی سیاست نہیں کرتے،یہودی ایجنٹ نے سالانہ ترقی کو منفی تک پہنچایا اورپاکستان کو7 ٹکڑوں میں تقسیم کرنا چاہتا تھا،نیازی نے اسرائیل ، بھارت ،امریکہ سے پیسے لیے ،بہانہ ہسپتال بنانے کا کرتا ہے،تحفے میں ملی گھڑی تک کو فروخت کردیا،اگر کوئی مغربی ایجنڈا لارہا ہے تو راستہ روکیں گے،دشمن قوتوں کو 8 فروری کو ووٹ کے ذریعے شکست دیں گے،امریکہ اب سپر پاور نہیں،افغانستان کا مقابلہ نہیں کرسکتا، فلسطین پر اسرائیل نے یلغار کی تو سب پیچھے ہوگئے اور میں فلسطینیوں کے پاس پہنچا۔