مریم نواز اورفوادچودھری کیخلاف درخواستیں خارج

سکھر،لاہور(بیورورپورٹ،کورٹ رپورٹر)مریم نواز اورفوادچودھری کیخلاف درخواستیں خارج،تفصیلات کے مطابق ڈسٹرکٹ کورٹ سکھر نے مسلم لیگ ن کی رہنما مریم نواز کیخلاف بغاوت کا مقدمہ درج کرنے کی درخواست مسترد کر دی،تحریک انصاف کے ضلعی صدر ایڈووکیٹ ظہیر بابر نے درخواست میں موقف اختیار کیا مریم نواز نے سرگودھا میں پاک افواج و عدلیہ کیخلاف جلسوں میں ہرزہ سرائی کی، مریم نواز کیخلاف قانون کے مطابق کارروائی کی جائے،ڈپٹی اٹارنی جنرل نے کہا قانون کے مطابق مقدمے کیلئے درخواست سرگودھا کی عدالت میں ہی دائرکی جاسکتی ہے، ایڈیشنل اینڈ ڈسٹرکٹ سیشن جج ممتاز سولنگی نے مریم نواز کیخلاف بغاوت کا مقدمہ درج کرنے کی درخواست مستردکردی،ادھر لاہور ہائیکورٹ نے فواد چودھری کیخلاف توہین عدالت درخواست ناقابل سماعت قرار دیدی،جسٹس شجاعت علی خان نے ایڈووکیٹ شاہد رانا ایڈووکیٹ کی درخواست پر سماعت کی۔