صدرکے پاس اختیار نہیں، گورنرکے پی،علوی نے آئینی بحران پیدا کردیا،پلڈاٹ

اسلام آباد،پشاور(بیورورپورٹ)گورنر خیبر پختونخوا غلام علی نے صدر مملکت عارف علوی کی جانب سے خیبرپختونخوا اور پنجاب اسمبلی کے انتخابات کی تاریخ کے اعلان پر ردعمل کا اظہار کرتے ہوئے کہاہے صدرمملکت کے پاس الیکشن کی تاریخ دینے کا اختیار نہیں،صحافیوں سے گفتگو کرتے ہوئے غلام علی نے مزید کہاآج سکیورٹی معاملے پر اجلاس کے بعد فیصلہ کیاجائیگا،ادھر سربراہ پلڈاٹ احمد بلال محبوب نے کہاصدر مملکت کے پاس ایگزیکٹو پاور نہیں ، صدر نے از خود اعلان کر کے آئینی بحران پیدا کر دیا ،صدر مملکت اور الیکشن کمیشن کے درمیان مشاورت نہیں ہوئی، آئین میں لکھا ہے صدر الیکشن کمیشن سے مشاورت کے بعد اعلان کریں گے،وزیراعظم کی ایڈوائس پر صدر مملکت تاریخ دے سکتے ہیں، وزیر اعظم نے صدر مملکت کو ایڈوائس نہیں دی اب عدالت عظمیٰ کوئی رولنگ دے گی، فیصلہ اب عدالت ہی کرے گی۔