شہزاداکبربتادیں انہیں نکالایااستعفیٰ دیا‘شاہد خاقان عباسی

اسلام آباد: (لیڈر نیوز) شاہد خاقان عباسی نے کہا ہے کہ شہزاد اکبر بتادیں انہیں عمران خان نے نکالا کیا یا استعفیٰ دیا؟ ساڑھے 3 سال بعد پتہ چلا کہ بچہ نااہل ہے۔ اسے نکال دیا گیا۔سابق وزیراعظم اور مسلم لیگ ن کے رہنما شاہد خاقان عباسی نے اسلام آباد میں میڈیا سے گفتگو کرتے ہوئے کہا کہ کچھ لوگ کہتے ہیں کہ وزیراعظم نے شہزاد اکبر کو چارج شیٹ دی ہے۔ ایک فوج ہے جس کا کام صرف پریس کانفرنس کرنا ہے، کون سی وزارت ہے جس میں سینکڑوں اربوں کا کوئی سکینڈل نہیں؟شاہد خاقان عباسی نے کہا کہ وزیراعظم اتوار کو پیش ہوئے اور کہا کہ میں سڑکوں پر نکل آیا تو آپ کو چھپنے کی جگہ نہیں ملے گی۔ ملک مزید برداشت نہیں کر سکتا، ملک کے تمام چور کابینہ کی میز پر بیٹھے ہیں، آج پاکستان کرپشن انڈیکس میں 140ویں نمبر پر ہے۔ انہوں نے کہا کہ آج پی ڈی ایم کا سربراہی اجلاس ہے، جس میں سفارشات پیش کی جائیں گی، 23 مارچ کو لانگ مارچ ہوگا۔