تمام مسائل حل‘جہانگیرترین گروپ کاوزیراعلیٰ سے ملاقات کے بعد اعلان

لاہور: وزیراعلیٰ پنجاب سے پاکستان تحریک انصاف کے رہنما جہانگیر ترین کے نامزد گروپ نے ملاقات کی جس میں اراکین کوعثمان بزدار نے تحفظات دور کرنے کی یقین دہانی کرائی۔جہانگیر ترین گروپ کے رہنماو¿ں میں سعید اکبر نوانی ، نعمان لنگاریلام ، اجمل چیمہ ، عون چوہدری ، عمر آفتاب ، نذیر چوہان اور زورا وڑائچ شامل تھے۔جہانگیر ترین گروپ کے وفد نے اپنے خدشات وزیراعلیٰ پنجاب کو پہنچائے ، جس پر عثمان بزدار نے انہیں اپنے تحفظات دور کرنے کی یقین دہانی کرائی جبکہ ممبران اسمبلی نے وزیر اعلی پنجاب کی قیادت پر مکمل اعتماد کا اظہار کیا۔وزیر اعلیٰ پنجاب نے کہا کہ ہم وزیر اعظم عمران خان کی سربراہی میں متحد ہیں اور میرے دروازے آپ سب کے لئے کھلے ہیں ، ہم کبھی کسی کے ساتھ ناانصافی نہیں کریں گے۔انہوں نے کہا ، "انتقام کی سیاست ہمارا انداز نہیں ہے۔ آپ کے جائز خدشات کو دور کیا جائے گا۔ ہماری جماعت کا نام تحریک انصاف ہے اور ہم انصاف کی انتظامیہ پر یقین رکھتے ہیں۔"وزیراعلیٰ سے ملاقات کے بعد میڈیاسے گفتگو کرتے ہوئےنعمان لنگڑیال کاکہناتھا کہ پی ٹی آئی میں تھے اورپی ٹی آئی میں ہی رہیں گے، ہمیں امیدہےت مام مسائل حل ہوں گے،وزیراعظم نے وعدہ کیاہے جہانگیرترین سے ناانصافی نہیں ہوگی،علی ظفر پر بھی اعتماد کااظہار کرتے ہیں، ہم نے کہا ہے بجٹ میں عوام کوزیادہ سے زیادہ ریلیف دیں،سعیداکبرنوانی نے گفتگو کرتے ہوئے کہا کہ اپنے حلقے کے مسائل سے بھی آگاہ کیا ہے ،وزیراعظم نے کہا ہے ناانصافی نہیں ہوگی،انکوائری رپورٹ ہمارے خلاف بھی آئی تو قبول کریں گے،ہم چاہتے ہیں رپورٹ میں ناانصافی نہیں ہونی چاہیے۔