منی لانڈرنگ کیس میں مونس الٰہی اشتہاری ، ایف آئی اے کاانٹر پول کو مراسلہ

لاہور:(کورٹ رپورٹر،سپیشل رپورٹر)عدالت نے منی لانڈرنگ کیس میں مونس الٰہی کو اشتہاری قرار دےکر دائمی وارنٹ گرفتاری جاری کردئیے،سپیشل سینٹرل کورٹ کے جج تنویر احمد شیخ نے مونس الٰہی کو اشتہاری قرار دینے کا حکم نامہ جاری کیا۔

عدالت نے حکم دیا ایف آئی اے انٹرپول سے رابطہ کرکے مونس الٰہی کی گرفتاری کےلئے اقدمات کر سکتی ہے،ملزم نے جان بوجھ کر خود کو روپوش کر رکھا ہے، ایف آئی اے ملزم کی گرفتاری کےلئے قانون کے مطابق کارروائی عمل میں لائے۔

دریں اثنا ایف آئی اے نے مونس الٰہی کے ریڈ وارنٹ جاری کرانے کیلئے انٹرپول کو مراسلہ بھجوادیا،دریں اثنا مونس الٰہی نے ایکس پر پوسٹ میں لکھا الزام ہے دوست نے میرے اور والد کی منی لانڈرنگ کےلئے آف شور کمپنی بنائی،اتنے نالائق ہیں جس کمپنی کو ساتھ جوڑ رہے ہیں وہ کمپنی تب بنی تھی جب میری اور دوست کی عمر 3 سال تھی۔