چیچہ وطنی کے علاقے مہر آباد کی گلیاں جوہڑ بن گئیں

چیچہ وطنی کے علاقے مہر آباد کی گلیاں جوہڑ بن گئیں، سیوریج کا نظام مکمل طور پر درہم برہم ہوکر رہ گیا۔ حالیہ بارش نے میونسپل کمیٹی کے انتظامات کا پول کھول دیا۔
بارش کے باعث سیوریج کا نظام درہم برہم ہونے سے پورا علاقہ کیچڑ اور گندے پانی کی لپیٹ میں آ گیا، جس کے نتیجے میں شہریوں کا جینا محال ہو چکا ہے۔علاقے کی صورتحال اس قدر ابتر ہو چکی ہے کہ گلیاں اور راستے تالاب کا منظر پیش کر رہے ہیں۔
انتظامیہ اور عملہ صفائی کی عدم موجودگی کے باعث علاقہ مکین اپنی مدد آپ کے تحت وائپر اور جھاڑو اٹھا کر گلیوں سے پانی نکالنے پر مجبور ہیں۔اہلیانِ مہر آباد نے اعلیٰ حکام اور اسسٹنٹ کمشنر چیچہ وطنی سے مطالبہ کیا ہے کہ علاقے میں فوری طور پر ڈی واٹرنگ سیٹ لگائے جائیں۔سیوریج کی بند لائنوں کو مستقل بنیادوں پر کھولا جائے۔عملہ صفائی کی حاضری کو یقینی بنایا جائے تاکہ عوام کو اس اذیت سے نجات مل سکے۔