جڑانوالہ کو ماڈل سٹی بنانے کا خواب چکنا چور ہو گیا

جڑانوالہ کو ماڈل سٹی بنانے کا خواب چکنا چور ہو گیا۔شہرمیں سیوریج کے پائپ ڈلے تین ماہ کا عرصہ ہو گیا لیکن سڑکوں کی تعمیر نہیں ہوسکی ۔شہر کھنڈرات کا منظر پیش کر نے لگا۔
پائپ ڈالنے کے لیے کھودی گئی سڑکیں بارش کے بعد جگہ جگہ سے بیٹھ گئیں جس کی وجہ سے بڑے بڑ ے گڑھے بن چکے ہیں۔
عوام گردو غبار اور سڑکوں کی خرابی کی وجہ سے سانس کی بیماریوں کا شکار ہونے لگے لیکن انتظامیہ کی کانوں پر جوں تک نہیں رینگ رہی۔
ہمارے ہاں ترقیاتی کاموں کے دوران شہریوں کو کئی طرح کے مسائل ومشکلات کاسامنا کرناپڑتا ہے اوراگر کوئی منصوبہ اپنے مقررہ وقت پر مکمل ہونے کے بجائے تاخیر کاشکار ہوجائے
تو اس سے مزیدمسائل پیدا ہوجاتے ہیں۔
جڑانوالہ کے شہری بھی کئی ماہ سے انہی مسائل کاشکارہیں جو عمومی طورپر ترقیاتی منصوبوں کے دوران درپیش ہوتے ہیں ۔لیکن متعلقہ محکموں کے ساتھ ساتھ منتخب عوامی قیادت کی بھی یہ ذمہ داری ہے کہ وہ ان منصوبوں کی بروقت تکمیل کے لیے پوری توجہ دیں تاکہ ترقی کاخواب پورا ہوسکے ۔