بلیو اکانومی پاکستانی معیشت کیلئے گیم چینجر ثابت ہوگی: وزیر خزانہ

کراچی: (بیورورپورٹ) وزیر خزانہ اورنگزیب نے کہا ہے بلیو اکانومی پاکستانی معیشت کیلئے گیم چینجر ثابت ہوگی۔

پاکستان انٹرنیشنل میری ٹائم ایکسپو اینڈ کانفرنس 2025 سے ورچوئل خطاب کرتے ہوئے وزیر خزانہ نے کہا معیشت درست سمت میں گامزن ، بلیو اکانومی معیشت میں انقلاب برپا کر سکتی، حکومت معیشت میں بنیادی اصلاحات کے ایجنڈے پر عمل کر رہی ہے، بنیادی اصلاحات مستحکم ترقی کیلئے ناگزیر ہیں، معاشی استحکام کیلئے اڑھائی سال میں ٹھوس اقدامات اٹھائے، افراط زر اور پالیسی ریٹ میں بڑی کمی آئی

سینیٹر اورنگزیب نے کہا3 گلوبل ریٹنگ ایجنسی نے پاکستان کے معاشی اقدامات کی تعریف کی ، تجارت اور معیشت کے استحکام کیلئے دوست ممالک کا تعاون حاصل ہے، کراچی گوادر اور پورٹ قاسم کی بندرگاہوں کو جدید بنانے کے لئے اقدامات کئے جا رہے ہیں، معیشت کی ترقی کیلئے وزارتوں کے درمیان بہترین ہم آہنگی ہے، وزارت خزانہ معاشی استحکام کیلئے ہر ممکن تعاون کرے گی۔