پانی پر NOسمجھوتہ،بھارت کو ریڈ لائن کراس نہیں کرنے دیں گے،وزیراعظم

اسلام آباد،دوشنبے:(بیورورپورٹ ،مشرق نیوز)وزیراعظم شہباز شریف نے گلیشئرز کے تحفظ کو پاکستان کےلئے انتہائی اہمیت کا حامل قرار دیتے ہوئے کہاپاکستان میں پانی کا دارومدار گلیشئرز پر ہے، ماحولیاتی تبدیلیو ں کے اثرات کی وجہ سے گلیشئرز تیزی سے پگھل رہے ہیں، ترقی یافتہ ممالک ماحولیاتی تبدیلیوں کے چیلنجز سے نمٹنے کےلئے اپنی ذمہ داریاں پوری کریں، پاکستان اپنے حصے کے پانی پر کوئی سمجھوتہ کرے گا نہ ہی بھارت کو ریڈ لائن کراس کرنے دےگا،غزہ میں مہلک ہتھیاروں کا استعمال انسانیت پر کاری ضرب ویسے ہی پانی کو بطور ہتھیار استعمال کرنا دنیا کیلئے لمحہ فکر یہ ہے ،ان خیالات کااظہار انہوں نے دوشنبے میں بین الاقوامی کانفرنس سے خطاب کرتے ہوئے کیا۔

شہبازشریف نے گلیشئرز کے تحفظ و چیلنجز پر جامع گفتگو پر تاجک صدر کو مبارکباد دیتے ہوئے کہابھارت کا سندھ طاس معاہدے کو معطل کرنے کا فیصلہ قابل مذمت ہے،کروڑوں انسانوں کی زندگیوں کو تنگ نظر سیاسی مقاصد کےلئے یرغمال نہیں بنایا جاسکتا، پاکستان ایسا کبھی نہیں ہونے دےگا، بھارت کو سرخ لکیر نہیں عبور کرنے دیں گے۔

وزیراعظم نے کہادنیا میں جہاں غزہ میں روایتی ہتھیاروں کے استعمال نے گہرے زخم چھوڑے وہیں پانی کے بطور ہتھیار استعمال کی صورت میں نئی تشویشناک پستی کا سامنا ہے،پاکستان موسمیاتی تبدیلی سے انتہائی متاثر 10ملکوں میں شامل ہے ،پاکستان کا فضا میں زہریلی گیسوں کا اخراج نصف فیصد سے بھی کم ہے۔

شہبازشریف نے کہاموسمیاتی تبدیلی کے باعث 2022 میں تباہ کن سیلاب کا سامنا کیا ،فصلیں ،انفراسٹرکچر تباہ ہو گیا،ماحولیاتی تبدیلی کے معاملے پر زیادہ توجہ دینے کی ضرورت ہے،آئیں ملکر گلیشئرز ،دریاو¿ں کا تحفظ کریں،بڑے ملک دیگرممالک میں ارلی وارننگ سسٹم میں سرمایہ کاری بڑھائیں۔