سپریم کورٹ میں نئے ججوں کی تعیناتی، چیف جسٹس کی زیر صدارت جوڈیشل کمیشن کا اجلاس آج ہوگا

اسلام آباد (مشرق نیوز) سپریم کورٹ میں 8 نئے ججوں کی تعیناتی کے معاملے پر جوڈیشل کمیشن کا اجلاس آج ہوگا۔ چیف جسٹس پاکستان یحییٰ آفریدی کی زیر صدارت جوڈیشل کمیشن کا اجلاس دوپہر 2 بجے سپریم کورٹ کے کانفرنس روم میں ہوگا جس میں سپریم کورٹ کے 8 ججوں کی تعیناتیوں پر غور کیا جائیگا۔

سپریم کورٹ میں 8 نئے ججوں کیلئے پانچوں ہائیکورٹس کے 5 سینئر ججوں کے نام طلب کئے گئے ہیں۔ علاوہ ازیں سپریم کورٹ کے 4 ججوں سمیت ممبر جوڈیشل کمیشن سینیٹر علی ظفر نے اجلاس ملتوی کرنے کیلئے چیف جسٹس کو خط لکھ رکھا ہے۔