آزاد جموں و کشمیر کی غیر مشروط حمایت جاری رکھیں گے،رانا ثنا

اسلام آباد: (بیورورپورٹ)مشیر وزیراعظم رانا ثنا نے کہاہے وفاقی حکومت آزاد جموں و کشمیر کی غیر مشروط حمایت جاری رکھے گی۔

رانا ثناسے وزیر اعظم آزاد جموں و کشمیر چودھری انوار الحق نے ملاقات کی ،آئندہ بجٹ اور آزاد جموں و کشمیر میں ترقیاتی کاموں پر تبادلہ خیال کیا گیا،وزیراعظم آزاد جموں و کشمیر نے مسلسل حمایت پر شکریہ ادا کرتے ہوئے کہا حکومت کا بنیادی مقصد گڈ گورننس ،عوام کی فلاح و بہبود کو یقینی بنانا ہے،5 سالوں سے بجٹ گرانٹ میں کوئی اضافہ نہیں ہوا، سالانہ ترقیاتی منصوبوں کا ہدف پورا کرنے کےلئے بجٹ گرانٹ میں اضافہ کیا جائے۔

مشیر وزیراعظم نے کہا بجٹ گرانٹ میں اضافے کی تجویز پر مثبت غور کیا جائے گا، حکومت آزاد جموں و کشمیر کی معاشی ترقی و سماجی خوشحالی کےلئے دستیاب وسائل بروئے کار لائے گی،عوام کو ریلیف دینے کےلئے ضروری تعاون فراہم کریں گے،آزاد جموں و کشمیر کی غیر مشروط حمایت جاری رکھیں
گے۔