غیر قانونی تارکین کوروکنے کیلئے پاکستان،اٹلی کا جلد معاہدے پر اتفاق

اسلام آباد: (بیورورپورٹ)غیر قانونی تارکین کوروکنے کیلئے پاکستان،اٹلی نے جلد معاہدے پر اتفاق کرلیا۔

فیصلہ وزیر داخلہ محسن نقوی اور اٹلی کی سفیر میریلینا ارملین کے درمیان ہونےوالی ملاقات میں کیا گیا،محسن نقوی نے کہا انسانی سمگلنگ روکنے کیلئے باہمی تعاون کو فروغ دیا جائے گا، میلان اور اسلام آباد کو سسٹر سٹیز کا درجہ دینے کی تجویز بھی پیش کردی،انسانی سمگلنگ کے مافیا کےخلاف زیرو ٹالرنس کی پالیسی ہے، غیر قانونی اٹلی جانےوالوں کونہ صرف جیل جانا پڑے گا بلکہ رقم بھی ضائع ہو گی۔

وزیر داخلہ نے کہاانسانی سمگلنگ روکنے کےلئے ایف آئی اے کو بھرپور کارروائی کا حکم دےدیا، انسانی سمگلنگ پر کوئی سمجھوتہ نہیں ہوگا، پاکستان سے اٹلی قانونی طور پر ہنر مند افرادی قوت بھیجی جائے گی،اٹلی کی سفیر نے انسانی سمگلنگ کی روک تھام کےلئے وفاقی وزیرداخلہ محسن نقوی کے اقدامات کو سراہااورہر ممکن تعاون کی یقین دہانی کرائی۔