پاکستان کیلئے حمایت جاری رکھیں گے، یورپی یونین

اسلام آباد:(بیورورپورٹ)پاکستان میں یورپی یونین کی سفیر نے وزیر خزانہ اورنگزیب سے ملاقات کی ،وزیر خزانہ نے سفیر کو حکومت کی اہم اصلاحاتی ترجیحات سے آگاہ کیا۔

وزارت خزانہ کے مطابق وزیر خزانہ نے یورپی یونین ،پاکستان کے درمیان دوطرفہ تعلقات و ترقیاتی تعاون کو سراہا اورسیلاب سے متاثرہ علاقوں میں یورپی یونین کی جاری امداد پر شکریہ ادا کیا،یورپی یونین سفیر نے وزیر خزانہ کوحالیہ تقرری پر مبارکباد دی اورنئی منتخب حکومت کےساتھ تعاون کیلئے امید کا اظہار کیا۔

سفیر نے حکومت کے اقتصادی ایجنڈے کا اعتراف کرتے ہوئے وزیر خزانہ کو پاکستان کےلئے حمایت جاری رکھنے کی یقین دہانی کرائی ۔