خفیہ سویلین ادارے آئی بی کی حیثیت تبدیل،الگ ڈویژن کا درجہ مل گیا

اسلام آباد (بیورورپورٹ)نگران وزیراعظم انوار الحق کاکڑ نے سویلین خفیہ ادارے انٹیلی جنس بیورو (آئی بی) کی حیثیت تبدیل کردی،نوٹیفکیشن کے مطابق نگران وزیراعظم نے آئی بی کو بیورو سے تبدیل کرکے ڈویژن کا سٹیٹس دے دیا،ڈائریکٹر جنرل (ڈی جی) آئی بی فواد اسداللہ کی خصوصی کاوش سے حیثیت تبدیل کرنے کی منظوری دی گئی،نگران وزیراعظم کی منظوری کے بعد انٹیلی جنس بیورو ڈویژن میں تبدیل کردیا گیا اور یہ فیصلہ انتظامی اور مالی معاملات بہتر بنانے کیلئے کیا گیا،نگران وزیراعظم کی منظوری کے بعد کابینہ ڈویژن نے احکامات جاری کردیے جس کے بعد ڈی جی آئی بی ڈویژن کے ایکس آفیشو سیکرٹری کے طور پر خدمات انجام دیں گے،آئی بی کاسٹیٹس تبدیل کرنے کے احکامات فوری نافذ کیے گئے ہیں۔