پولیس کےلئے بہترین رہائش گاہیں بنائی جارہی ہیں،محسن نقوی

لاہور:( خبر نگار)وزیراعلیٰ پنجاب محسن نقوی نے شدید سردی میں رات گئے پنجاب کابینہ کے ہمراہ قربان لائنز کا دورہ کیااور صوبائی وزرا کے ہمراہ قربان لائنز میں پولیس کےلئے رہائش گاہوں کی تعمیر کے منصوبے پر ہونےوالی پیشرفت کاجائزہ لیا،آئی جی عثمان انور نے منصوبے پر ہونےوالی پیشرفت سے آگاہ کیا۔

وزیراعلیٰ محسن نقوی نے رہائش گاہوں کے فنشنگ ورک کو جلد ازجلد مکمل کرنے کی ہدایت کرتے ہوئے کہا فنشنگ ورک میں اعلیٰ معیار کو برقرار رکھا جائے اور منصوبے کی جلد تکمیل یقینی بنائی جائے،پولیس کےلئے بہترین رہائش گاہیں بنائی جارہی ہیں،محسن نقوی نے کہا31جنوری سے قبل اپارٹمنٹس کے3فلور مکمل کرکے پولیس افسروں کو ا لاٹ کردئیے جائیں گے۔