بحرین کے بادشاہ نے آرمی چیف کو فوجی اعزاز سے نوازدیا

راولپنڈی:(بیورورپورٹ)بحرین کے بادشاہ نے آرمی چیف کو بحرین کے فوجی اعزاز ”آرڈر آف بحرین فرسٹ کلاس“ سے نوازدیا،آئی ایس پی آر کے مطابق آرمی چیف جنرل سید عاصم منیر نے بحرین کا 2 روزہ سرکاری دورہ کیا۔

بحرین کے بادشاہ حمد بن عیسیٰ الخلیفہ ، ولی عہد ،ڈیفنس فورسز کے کمانڈر فیلڈ مارشل خلیفہ بن احمد الخلیف،نیشنل گارڈ کے کمانڈر ایچ ایچ جنرل شیخ محمد بن عیسیٰ الخلیفہ سے ملاقات ہوئی،ملاقاتوں کے دوران دو طرفہ فوجی و سکیورٹی امور پر تبادلہ خیال کیا گیا۔

آرمی چیف بحرین نیشنل گارڈ کے 27ویں یوم تاسیس کے مہمان خصوصی بھی تھے،نیشنل گارڈکے یومِ تاسیس کی تقریب میں پرتپاک استقبال ،گارڈ آف آنر دیا گیا،کمانڈر بحرین نیشنل گارڈ نے بحرین نیشنل گارڈ کو ملٹری و انسداد دہشتگردی کے شعبوں میں تربیت فراہم کرنے پر پاک فوج کا شکریہ ادا کیا،جنرل سید عاصم منیر کو دونوں برادر ممالک کے درمیان دوطرفہ تعلقات بڑھانے میں اہم کوششوں و تعاون کے اعتراف میں ملٹری میڈل دیا گیا۔