وزیراعظم کاایم ڈی سے رابطہ،آئی ایم ایف معاہدہ جلد ہونے کیلئے پرامید

لاہور(اپنے رپورٹر سے)وزیراعظم شہباز شریف نے معاشی صورتحال کی بہتری کے اہداف مشترکہ کوششوں سے حاصل کرنے کے عزم کا اعادہ کرتے ہوئے امید ظاہر کی ہے آئی ایم ایف پروگرام کے نکات پر ہم آہنگی آئندہ ایک 2 دن میں آئی ایم ایف فیصلے کی شکل اختیار کرے گی۔

پی ایم آفس کے میڈیا ونگ کی جانب سے جاری بیان کے مطابق وزیراعظم شہباز شریف نے آئی ایم ایف کی منیجنگ ڈائریکٹر کرسٹالینا جارجیوا کوفون کیا،وزیراعظم ،آئی ایم ایف کی منیجنگ ڈائریکٹر نے آئی ایم ایف پروگرام کے امور پر تبادلہ خیال کیا،منیجنگ ڈائریکٹر آئی ایم ایف نے وزیراعظم سے پیرس میں ہونےوالی ملاقاتوں کے تناظر میں وزیرخزانہ ، ٹیم کی آئی ایم ایف پروگرام مکمل کرنے کی کوششوں کا اعتراف کیا۔

وزیراعظم نے امید ظاہر کی آئی ایم ایف پروگرام کے نکات پر ہم آہنگی آئندہ ایک 2 دن میں آئی ایم ایف فیصلے کی شکل اختیار کرے گی،وزیراعظم نے معاشی صورتحال کی بہتری کے اہداف مشترکہ کوششوں سے حاصل کرنے کے عزم کا اعادہ کیا،منیجنگ ڈائریکٹر آئی ایم ایف نے وزیراعظم سے گفتگوکرتے ہوئے کہا پاکستان کی معاشی صورتحال کی بہتری چاہتے ہیں، انہوں نے وزیراعظم شہباز شریف کے قائدانہ عزم کو سراہا۔