لاہور، فیصل آباد (نمائندہ خصوصی + بیورو رپورٹ) وزیر اطلاعات و ثقافت پنجاب عظمیٰ بخاری نے فیصل آباد ڈویژن کے دورے کے دوران ڈویژنل امن کمیٹی کے ارکان سے ملاقات کی اور محرم الحرام کے دوران امن و امان، بین المسالک ہم آہنگی اور بھائی چارے کے فروغ کے حوالے سے تفصیلی تبادلہ خیال کیا۔ملاقات میں امن کمیٹی کے ارکان صاحبزادہ زاہد محمود قاسمی، حافظ محمد امجد، علامہ طاہر الحسن، حافظ مقبول احمد، یاسین ظفر، جعفر نقوی، محمد اسلم بھلی، شاہد رزاق، عاشق حسین رضوی، محمد فاروق، سید محمد رضا شاہ، امیرالدین رضوی، مفتی عبدالمعید، ممتاز گوندل اور مفتی نصرالدین سمیت دیگر شخصیات نے شرکت کی۔اس موقع پروزیر اطلاعات عظمیٰ بخاری نے کہا کہ محرم الحرام کے دوران پرامن ماحول کا قیام حکومت، انتظامیہ، علماءکرام اور امن کمیٹیوں کی مشترکہ ذمہ داری ہے۔ انہوں نے کہا کہ پنجاب حکومت اور اس کے تمام ادارے عوام کی خدمت اور امن و امان کے قیام کے لیے پوری طرح متحرک ہیں اور اس مقصد کے حصول کے لیے ہر ممکن اقدامات کیے جا رہے ہیں۔ انہوں نے کہا کہ فیصل آباد ڈویژن کی امن کمیٹی نے ہمیشہ قیامِ امن میں مثالی کردار ادا کیا ہے اور اس سال بھی انتظامیہ کے ساتھ مکمل تعاون کو یقینی بنایا جائے گا۔عظمیٰ بخاری نے کہا کہ عاشورہ کے جلوسوں اور نمازِ جمعہ کے پرامن اور منظم انعقاد کے لیے تمام متعلقہ اداروں اور منتظمین کے درمیان مو¿ثر ہم آہنگی پیدا کی جائے گی تاکہ کسی قسم کی دشواری یا رکاوٹ کا سامنا نہ کرنا پڑے۔انہوں نے کہا کہ امن کمیٹیوں اور مجالس کے منتظمین کے درمیان مضبوط روابط اور مسلسل رابطہ کاری ایک خوش آئند امر ہے، جو محرم الحرام کے دوران امن و امان کی فضا برقرار رکھنے میں کلیدی کردار ادا کرتی ہے۔ دریں اثناء وزیر اطلاعات و ثقافت پنجاب عظمیٰ بخاری نے نامور موسیقار، گلوکار اور موسیقی کے استاد طارق طافو کے انتقال پر گہرے دکھ اور افسوس کا اظہار کیا ہے۔انہوں نے کہا کہ طارق طافو نے اپنی فنی زندگی میں درجنوں آرٹسٹوں کی رہنمائی کی اور انہیں موسیقی کی دنیا میں متعارف کروایا۔ ان کی فنی خدمات پاکستان کے ثقافتی ورثے کا قیمتی حصہ ہیں۔
پاکستانی ڈرامہ ’در نجات‘ کا جی ٹی اے ورژن وائرل، مکمل ویڈیو دیکھیں
ایران ہمارے ساتھ ڈیل کا خواہشمند، جوہری ہتھیار کبھی حاصل نہیں کرنے دینگے: امریکی صدر
امریکہ، ایران تنازع کا حل جلد نکلنے کی امید ہے: نائب وزیر اعظم اسحاق ڈار
ملک بھر میں خناق، کالی کھانسی، خسرہ اور موسمی انفلوئنزا کے کیسوں میں اضافہ
الزامات کے بجائے خطے کے مسائل کو حل کرنے کی ضرورت ہے، مصدق ملک
فوج کو اپنی قوم کے مقابلے میں طاقتور نہیں دیکھنا چاہتے: مولانا فضل الرحمن
سابق وزیر لیاقت بھٹی قتل، 3 ذاتی محافظ گرفتار، تفتیش میں اہم انکشافات متوقع
کراچی سمیت ملک بھر کے صارفین کو بجلی کا بڑا جھٹکا لگنے کا خدشہ
حوثی ملیشیا کے حملے ناقابل قبول، سعودی عرب کیساتھ کھڑے ہیں: وزیراعظم
سمندر میں تیل و گیس کی تلاش معاشی ترقی کےلئے اہم پیشرفت ہے،وزیراعظم
















