امریکہ ،برطانیہ میں تجارتی ڈیل،متعدد معاہدوں پر دستخط

لندن:(مشرق نیوز) امریکہ ،برطانیہ میں تجارتی ڈیل،متعدد معاہدوں پر دستخط ہوگئے،صدر ڈونلڈ ٹرمپ ہیلی کاپٹر کے ذریعے چیکرز پہنچے ،شاندار استقبال کیا گیا ،بعد ازاں وزیراعظم کیئر سٹارمر سے دوبدو ملاقات کی،دوطرفہ تعلقات، مشرق وسطیٰ کی حالیہ کشیدگی، یوکرین ،عالمی سیاست و خطے کی صورتحال پر تفصیلی تبادلہ خیال،دفاعی، سکیورٹی تعاون ، تجارتی تعلقات کو فروغ دینے اور ماحولیاتی تبدیلی جیسے عالمی چیلنجز پر ملکر کام کرنے پر اتفاق کیا گیا۔

برطانوی وزیراعظم کیئر سٹارمر نے صدر ٹرمپ کو یقین دلایا امریکہ کےساتھ اپنے تعلقات کو نئی بلندیوں تک لےجانے کے خواہش مند ہےں،امریکی صدر نے برطانیہ کو اپنا قریبی اتحادی قرار دیتے ہوئے کہا دونوں ممالک عالمی امن و استحکام کےلئے ملکر کردار ادا کریں گے،دونوں رہنماﺅں نے کہاموجودہ دور میں امریکہ ، برطانیہ کا اتحاد دنیا میں امن و ترقی کےلئے ناگزیر ہے،مشترکہ پریس کانفرنس میں وزیراعظم کیئر سٹارمر نے کہا امریکہ ،برطانیہ کے تعلقات پہلے سے زیادہ مضبوط ہیں۔

صدرٹرمپ نے کہا برطانیہ کےساتھ تجارتی ڈیل کامیاب رہی ،متعدد معاہدوں پر دستخط ہوگئے،کاروباری شعبوں میں تعاون جاری رہے گا،برطانیہ کےساتھ ملکر سائنس و ٹیکنالوجی سمیت تمام شعبوں میں کام کررہے ہیں، شاندار استقبال پر کیئر سٹارمر اور خاتون اول کا تہہ دل سے شکر گزار ہوں۔