پنجاب پولیس کا ڈنڈا بہت تگڑا ،کچے کےساتھ پکے کے ڈاکووں کو بھی پکڑے گی،عظمیٰ بخاری


لاہور:(اپنے رپورٹر سے)وزیراطلاعات پنجاب عظمیٰ بخاری نے کہاہے پنجاب پولیس کا ڈنڈا بہت تگڑا ،کچے کےساتھ پکے کے ڈاکووں کو بھی پکڑے گی۔

اپوزیشن لیڈر قومی اسمبلی کے بیان پر ردعمل دیتے ہوئے عظمیٰ بخاری نے کہاپنجاب پولیس کسی بےگناہ کو تنگ نہیں کرتی اور کسی ریکارڈ یافتہ مجرم کو چھوڑتی نہیں،پنجاب پولیس کی سب سے بڑی کوالٹی یہی ڈنڈا بہت تگڑا ہے، 9 مئی ، 26 نومبر کے جعلی انقلابیوں کو انقلاب لانے کا شوق ہے تو پرچے بھی بھگتیں،پنجاب میں انتقامی کارروائی یا سیاسی بنیادوں پر مقدمات درج کرنے کا سلسلہ بند ہو چکا۔

وزیرا طلاعات نے کہا وزیر اعلیٰ مریم نواز کی حکومت میں پنجاب پولیس مکمل طور پر غیر سیاسی اور غیر جانبدار ہو کر اپنا کام کر رہی ہے،9 مئی ،شہدا کے مجسموں کی توہین کرنےوالے سیاسی لبادے میں نہیں چھپ سکتے۔