نیویارک (بیورو رپورٹ) سید قمر رضا جو اوورسیز پاکستانی فاو¿نڈیشن کے چیئرمین ہیں، بیرون ملک پاکستانیوں کے حقوق اور فلاح و بہبود کیلئے ایک اہم کردار کے طور پر ابھرے ہیں۔ انکی قیادت اور ہمدردانہ رویہ خاص طور پر بیرون ملک پاکستانی کمیونٹی میں پذیرائی حاصل کر رہا ہے۔ حال ہی میں نیویارک کے سوشل ورکر خواجہ فاروق جو دو بار گوجرانوالہ کینٹ کے کونسلر بھی رہ چکے ہیں، کے ساتھ ایک ٹیلیفونک گفتگو میں، خواجہ فاروق نے سید قمر رضا کی بیرون ملک پاکستانیوں کے مسائل کے حل کیلئے کی جانے والی کوششوں کو سراہا۔ خواجہ فاروق نے ان کی ہمدردی اور عملی انداز کو سراہتے ہوئے بیرون ملک پاکستانیوں سے سید قمر رضا کے ساتھ براہ راست رابطہ کرنے کی بھی اپیل کی تاکہ وہ ان کے مسائل کا حل ڈھونڈ سکیں۔چیئرمین OPF کے طور پر سید قمر رضا نے بیرون ملک پاکستانیوں کیلئے خصوصی عدالتوں کا قیام، پولیس سٹیشنوں میں خصوصی سپورٹ کاو¿نٹرز اور ان کیلئے ٹیکس ریلیف جیسے اقدامات کئے ہیں۔ انہوں نے OPF کی آن لائن شکایتی پورٹل کا بھی آغاز کیا ہے تاکہ بیرون ملک پاکستانی آسانی سے اپنی شکایات حکومت تک پہنچا سکیں۔ سید قمر رضا بیرون ملک پاکستانیوں کو پاکستان میں سرمایہ کاری کی دعوت بھی دے رہے ہیں اور ان کیلئے ایک کنونشن بھی منعقد کر رہے ہیں جس میں پاکستان کے اہم رہنما بیرون ملک پاکستانیوں کے ساتھ اقتصادی تعاون کے منصوبوں پر تبادلہ خیال کریں گے۔ ان کا ماننا ہے کہ بیرون ملک پاکستانیوں کی شمولیت سے ملکی معیشت میں استحکام اور ترقی کی راہیں ہموار ہوں گی۔ان کے ہمدردانہ رویے اور عملی اقدامات سے ظاہر ہوتا ہے کہ سید قمر رضا بیرون ملک پاکستانیوں کیلئے ایک مضبوط اور معاون کردار ادا کر رہے ہیں۔ ان کی یہ کاوشیں بیرون ملک پاکستانیوں کو اپنے وطن کے قریب تر لانے اور ان کے مسائل کے حل کی جانب اہم قدم ہیں۔
تارکین وطن کی مدد سے ترقی کی راہ ہموار ہوگی: سید قمر رضا
















