9مئی کی ناکام بغاوت کے ایک ایک کردار کو کٹہرے میں کھڑے کرنے کا وقت آگیا،عظمیٰ بخاری

لاہور:(اپنے رپورٹر سے)وزیر اطلاعات پنجاب عظمیٰ بخاری نے کہاہے9مئی کی ناکام بغاوت کے ایک ایک کردار کو کٹہرے میں کھڑے کرنے کا وقت آگیا، ایک سال سے فتنہ پارٹی جلسے اور احتجاج کی گیم کھیل رہی ہے،نوجوان اڈیالہ جیل کے قیدی اور کوچ کی حقیقت جان چکا ۔

عظمیٰ بخاری نے کہاجلسہ ہو رہا ہے، جلسہ ملتوی ہو گیا وہ آرہا ہے وہ ایڈجسٹ ہو چکا ، تعمیری سیاست،تنقید برائے اصلاح جیسی جمہوری روایات سے پی ٹی آئی کاکوئی تعلق نہیں، غیر سیاسی لوگ عوام میں انتشار و افرا تفری پھیلانے کو جدوجہد کا نام دیتے ہیں۔

وزیر اطلاعات نے کہااڈیالہ جیل کا قیدی ملک سے مخلص ہے نہ قوم سے ، ڈیجیٹل دہشتگرد پرامن ہوتے نہ مہذب بلکہ شدت پسندی کا آخری درجہ ہوتے ہیں،ڈیڑھ سال سے ہر سیاسی لیڈر،اداروں کے سربراہوں کےخلاف غلیظ ترین مہم چلانے والے کہتے ہیںپرامن لوگ ہیں، 200سے زائد فوجی تنصیبات پر حملے ،شہدا کے مجسمے جلانے والے کس منہ سے کہتے پرامن لوگ ہیں۔