کالعدم ٹی ٹی پی نے نظام الدین کو استعمال کیا،افغانستان میں تربیت دی گئی،اہل خانہ بمبار

اسلام آباد:(بیورورپورٹ)کالعدم ٹی ٹی پی نے نظام الدین کو استعمال کیا،افغانستان میں تربیت دی گئی،خودکش بمبار کے اہلخانہ نے ہوشر با انکشافات کردئیے۔

نظام الدین کے والد نے کہادہشتگرد نسلوں کوتباہ کر رہے ہیں،بیٹے کو افغانستان لےجا کرغلط تربیت دی گئی، بیٹے کی غلطی سے خاندان کی عزت خاک میں گئی،روزگار تک چھن گیا،رشتے ناطے ،تعلق بھی ٹوٹ گئے ،نظام الدین کے عمل سے معاشرے میں کوئی عزت نہیں رہی۔

سکیورٹی ذرائع کے مطابق دہشتگرد نظام الدین کے بھائی نے کہا کالعدم ٹی ٹی پی نے بھائی کو پیسے کا لالچ دےکر ورغلایا اور اسے ایسا کرنے پر مجبور کیا، نشے کے انجکشن لگائے پھر نظام دین پاکستان واپس آیا اور پاک فوج پر حملہ کر دیا،نظام دین کی ماں نے کہا اپنے بچے پر اتنا نہیں جتنی پاک فوج کے جوانوں کی شہادت پر افسردہ ہوں۔