قاضی کا کام قانون پر عمل کرانا ، قرآن میں ہے دشمنی میں بھی انصاف کا دامن نہ چھوڑیں،صدر علوی

کراچی: (بیورورپورٹ)صدر مملکت عارف علوی نے کہا ہے قاضی کا کام قانون پر عمل کرانا ہے، قرآن میں ہے دشمنی میں بھی انصاف کا دامن نہ چھوڑیں،ڈنڈا ہر مسئلے کا حل نہیں، ڈنڈے سے معاملہ ٹھیک نہیں ہوگا۔

جامعہ کراچی میں 31 ویں کانووکیشن کی تقریب سے خطاب کرتے ہوئے صدر مملکت عارف علوی نے کہا دنیا میں علم کا حصول مسائل کے حل کا واحد راستہ نہیں، دنیا میں تعلیم یافتہ لوگوں نے زیادہ ظلم کیے ، تعلیم تربیت کی بنیاد نہیں جب یہودیوں کو مارا گیا توبات کی جاتی ہے، جو کچھ غزہ میں ہو رہا ،پردہ ڈالا جاتا ہے ،سب تعلیم یافتہ اقوام کر رہی ہیں۔

عارف علوی نے کہایوٹیوب ،انٹرنیٹ بند کرنے سے مسئلہ حل نہیں ہوگا،میں کہتا کچھ ہوں ٹی وی پر چلتا کچھ اور ہے، معاملہ کچھ ہوتا ہے اور پیغام کچھ اور جاتا ہے،ریجن میں ڈاکٹر ،انجینئر بنانے میں سب سے پیچھے ہیں، کروڑوں بچوں کا سکول سے باہر ہوناتشویشناک ہے،سائنس و ٹیکنالوجی عروج اور انسانیت زوال پذیر ہے۔