شہباز سے رابطہ،ملکی بہتری کیلئے کام کرنا ہوگا:گورنر سندھ

کراچی:(بیورورپورٹ) گورنر سندھ کامران خان ٹیسوری نے مسلم لیگ ن کے رہنما شہباز شریف سے ٹیلی فونک رابطہ کیا اور ملک کی مجموعی سیاسی و معاشی صورتحال، معاشی مشکلات کے حل کے اقدامات اور باہمی دلچسپی کے دیگر امور پر تبادلہ خیال کیا۔

گورنر سندھ نے کہا ملک کی موجودہ صورتحال ہم سب کی توجہ کی متقاضی ہے، تمام اسٹیک ہولڈرز سے سب سے پہلے پاکستان پر عمل کرنے کی درخواست ہے، انہوں نے مزید کہا اختلافات کو پس پشت ڈال کر ملک کی بہتری کے لئے کام کرنا ضروری ہے۔

علاوہ ازیں گورنر سندھ کامران خان ٹیسوری سے مسلم لیگ ن کے رہنماءرانا مشہود نے گورنر ہاوس میں ملاقات کی، ملاقات میں ملک کی مجموعی سیاسی صورتحال، پاکستان کو درپیش معاشی مشکلات، اور باہمی دلچسپی کے دیگر امور پر تبادلہ خیال کیا گیا۔