مس انفارمیشن بڑا چیلنج،بغیر ثبوت سڈنی حملہ آور کا تعلق پاکستان سے جوڑ ا گیا،عطا تارڑ


اسلام آباد: (بیورورپورٹ)وزیر اطلاعات و نشریات عطا تارڑ نے کہا ہے مس انفارمیشن دنیا کا سب سے بڑا چیلنج ، موجودہ دور میں سوشل میڈیا کا ذمہ دارانہ استعمال ضروری ہے، مصنوعی ذہانت (اے آئی) کے استعمال سے تخلیقی ذہنوں کےلئے ملازمتوں کے مسائل پیدا ہو رہے ہیں، ابھرتی ٹیکنالوجی میں توازن قائم کرنا ہوگا، نیشنل سائبر سکیورٹی پالیسی کو موثر بنا رہے ہیں، سائبر حملوں سے بچنے کےلئے آگاہی ،تربیت بہت ضروری ہے،ڈیٹا لیکس سے بچنے کےلئے قومی سطح پر سائبر سکیورٹی آگاہی مہم چلائی جائےگی۔

نیشنل سائبر سکیورٹی کی اختتامی تقریب سے خطاب کرتے ہوئے عطا تارڑ نے کہا سائبر حملوں سے نمٹنے کیلئے سائبر سکیورٹی سینٹر فعال ،پالیسی کو مزید موثر بنا رہے ہیں،ڈیٹا تحفظ کیلئے سائبر سکیورٹی نظام کو مضبوط بنانے کیلئے اقدامات کئے، سائبر حملوں سے بچنے کیلئے آگاہی وتربیت بہت ضروری ہے،سائبر جرائم کےخلاف کارروائی کے دوران متعدد فیک سوشل میڈیا اکاو¿نٹس کی نشاندہی ہوئی، سڈنی واقعہ پربغیر ثبوت وتصدیق پاکستان پر الزامات لگائے گئے۔

وزیر اطلاعات نے کہا پاکستان خود دہشتگردی کا شکار ہے، جنگ میں بے پناہ قربانیاں دیں، موجودہ دور میں سوشل میڈیا کا ذمہ دارانہ استعمال ضروری ہے، فیک نیوز سے کسی کو بھی جوڑنے کیلئے مصنوعی ذہانت کا سہارا لیا جاتا ہے،صحافیوں ،میڈیا عملے کےلئے ورکشاپس ،تربیت کے پروگرام ترتیب دیئے جا رہے ہیں تاکہ ڈیجیٹل غلط معلومات کے پھیلاو¿ کو روکا جا سکے۔