اگست 2026 تک تمام عدالتیں سولر انرجی پر منتقل کی جائیں گی،چیف جسٹس

اسلام آباد:(بیورورپورٹ)چیف جسٹس کی زیرصدارت اجلاس میں ای کورٹس نظام کےلئے لائحہ عمل تشکیل دےدیا گیا،جسٹس علی مظہر، ہارون رشید، بیرسٹر علی ظفر سمیت مختلف اداروں کے حکام نے شرکت کی۔

جسٹس یحییٰ آفریدی نے کہاعدلیہ کا ڈیجیٹل ٹرانسفارمیشن عوامی مفاد پر مبنی اصلاحی عمل ،مقصد شفافیت ،کارکردگی کو بہتر بنانا ہے، تمام سٹیک ہولڈرز کو عمل میں شامل کیا جائےگا، اگست 2026 تک تمام عدالتیں سولر انرجی پر منتقل کی جائیں گی۔

چیف جسٹس نے فیڈرل جوڈیشل اکیڈمی کو سٹیک ہولڈرز کیساتھ مشاورت کی ہدایت کرتے ہوئے کہاای لائبریریز، خواتین سہولت مراکز، صاف پانی کی فراہمی کے منصوبے بھی مکمل ہوں گے۔