اقوام متحدہ افغانستان میں دہشتگردی کے خاتمے کیلئے تعاون کرے،پاکستان

نیویارک(خواجہ فاروق)پاکستان نے کہاہے کابل سے ہونےوالی دہشتگردی پر تشویش ہے،اقوام متحدہ افغانستان میں دہشتگردی کے خاتمے کیلئے تعاون کرے۔

،نائب وزیراعظم و وزیر خارجہ اسحاق ڈار نے یو این سیکرٹری جنرل انتونیو گوتریس سے ملاقات کی،اہم امور پر تبادلہ خیال کیا گیا،انتونیو گوتریس نے پاکستان کے امن مشنز میں کردار اور اقوامِ متحدہ میں سرگرم شمولیت پر شکریہ ادا کیا،اسحاق ڈار نے کہامسئلہ کشمیر کا سلامتی کونسل قراردادوں کے مطابق منصفانہ حل ناگزیر ہے،فلسطین میں اسرائیلی مظالم کی شدید مذمت کرتے ہیں، پاکستان دو ریاستی حل کا حامی ہے،پاکستان اقوامِ متحدہ چارٹر ، کثیرالجہتی سفارتکاری کے اصولوں پر کاربند اورسلامتی کونسل کے غیرمستقل رکن کے طور پر عالمی امن و استحکام کے فروغ کےلئے پرعزم ہے۔

دریں اثنا وزیر خارجہ اسحاق ڈار نے چینی ہم منصب وانگ یی سے ملاقات کی ،دو طرفہ تعلقات، علاقائی و عالمی امور پر بات چیت کی گئی، دونوں رہنماوں نے سی پیک کے دوسرے فیز پر تبادلہ خیال اورتعاون وسیع کرنے کا عزم کیا،اسحاق ڈار نے کہا چین سے تعلق کو نئی بلندیوں پر پہنچائیں گے،وانگ یی نے کہاچین بنیادی ایشو اور سماجی و اقتصادی ترقی میں پاکستان کی مدد جاری رکھے گا۔