پرنس کریم آغا کی آخری رسومات ادا،وزیر خزانہ کی بھی شرکت،پاکستان میں یوم سوگ


لزبن،اسلام آباد:(بیورورپورٹ)اسماعیلی مسلم کمیونٹی کے روحانی پیشوا پرنس کریم آغا کی آخری رسومات اداکردی گئی،وزیر خزانہ اورنگزیب نے نماز جنازہ میں شرکت کی،شیعہ اسماعیلی مسلمانوں کے امام شہزادہ رحیم الحسینی آغا خان پنجم سے ملاقات بھی کی اورصدر، وزیر اعظم ،عوام کی جانب سے دلی تعزیت کا اظہار کرتے ہوئے مرحوم پرنس کریم آغا خان اور آغا خان ڈویلپمنٹ نیٹ ورک کی خدمات کو سراہا ۔

ادھر پاکستان میں یوم سوگ منایا گیا،قومی پرچم سرنگوں رہا، سپیکر سردار ایاز صادق نے کہاپرنس کریم آغا خان کی عالمی امن، تعلیم و صحت کے شعبوں میں بے مثال خدمات تا دیر یاد رکھی جائیں گی۔