عمران خان کو جیل سے نکال کر خیبر پختونخوا لانے کےلئے پورا زور لگاوں گا،گنڈا پور

پشاور:(بیورورپورٹ)وزیراعلیٰ کے پی علی امین گنڈا پور نے کہا ہے عمران خان کو جیل سے نکال کر خیبر پختونخوا لانے کےلئے پورا زور لگاوں گا۔

صحافیوں سے گفتگو کرتے ہوئے کہاعلی امین گنڈا پور نے کہابشریٰ جہاں بھی ہوتیں سکیورٹی دینی تھی اگر صوبے میں آئی ہیں تواچھی بات ہے،سابق خاتون اول نے سیاسی کمیٹی کے اجلاس کی صدارت نہیں کی،مشورے ضرور ہوئے اوروہ ہوتے رہتے ہیں۔

قبل ازیںوزیراعلیٰ خیبرپختونخوا علی امین گنڈا پور کی زیر صدارت اجلاس میں تحصیل لوکل گورنمنٹ رولز آف بزنس 2022 میں مجوزہ ترامیم پر غور کیا گیا،منتخب بلدیاتی نمائندوں نے رولز آف بزنس میں تجویزکردہ تمام ترامیم سے اصولی اتفاق کرلیا۔

دوران اجلاس فیصلہ کیا گیا بلدیاتی حکومتوں کے رولز میں ترامیم حتمی منظوری کےلئے صوبائی کابینہ میں پیش کی جائیں گی، بلدیاتی نمائندوں کے دیگر جائز مطالبات کےلئے الگ اجلاس بلانے کا بھی فیصلہ کیا گیا،علی امین گنڈاپور نے کہاترامیم کی منظوری سے بلدیاتی حکومتیں مزید مو¿ثر ، بااختیار ہوں گی، بااختیار بلدیاتی نظام صوبائی حکومت ،عوام دونوں کے مفاد میں ہے، بلدیاتی نمائندوں کو عوام نے مینڈیٹ دیا ،اختیارات بھی ملنے چاہئیں۔