اسلام آباد :(بیورورپورٹ)وزیراعظم شہباز شریف نے کہا ہے دوست ممالک سے سرمایہ کاری منصوبوں پر عملدرآمد میں کسی قسم کی سست روی قبول نہیں،تمام وزراء،متعلقہ ادارے منصوبوں پر پیش رفت کو تیز بنانے کیلئے اقدامات کریں،پاکستان میں انفارمیشن ٹیکنالوجی، زراعت،معدنیات و قیمتی پتھروں اور توانائی کے شعبے میں سرمایہ کاری کی وسیع استعداد موجود ہے،شعبوں میں بیرونی سرمایہ کاری سے نہ صرف ملکی برآمدات میں اضافہ ہوگا بلکہ لاکھوں نوجوانوں کیلئے روزگار کے مواقع پیدا ہوں گے۔
ملکی معیشت کی ترقی اور سرمایہ کاری کے اقدامات پر جائزہ اجلاس میںشہباز شریف نے بین الاقوامی ریٹنگ ایجنسی موڈیز کی جانب سے پاکستان کی کریڈٹ ریٹنگ کو اپ گریڈ کرنے پر اطمینان کا اظہار کرتے ہوئے کہا معاشی ٹیم کی کاوشیں رنگ لا رہی ہیں،گزشتہ دور حکومت میں ملک کی خاطر اپنی سیاست کی قربانی دی،معیشت کو ڈیفالٹ سے بچایا، معیشت استحکام کے بعد ترقی کی جانب گامزن ہے،حکومت کی جانب سے قومی مفادات کو سیاسی مصلحتوں پر ترجیح دینے کی پالیسی کے مثبت اثرات اب معیشت پر نظر آنے لگے ہیں،موڈیز کی جانب سے پاکستان کو سی اے اے ٹو ریٹنگ دیا جانا حکومت کی معاشی پالیسیوں کے درست ہونے کا بین الاقوامی اعتراف ہے۔
وزیراعظم نے کہا امید ہے معیشت اسی رفتار سے مثبت سمت میں آگے بڑھتی رہے گی،اہم پیشرفت اور معیشت کی مجموعی بہتر صورتحال پروزیر خزانہ ،ٹیم کی کاوشیں لائق تحسین ہیں،دوست ممالک کی جانب سے مختلف شعبوں میں اربوں کی سرمایہ کاری میں دلچسپی کا اظہار حکومتی کاروبار و سرمایہ کاری دوست پالیسیوں کا نتیجہ ہے،اجلاس کو چین پاکستان اقتصادی راہداری کے دوسرے مرحلے کے تحت منصوبوں پر پیش رفت سے بھی آگاہ کیا گیا، وزیراعظم نے تمام منصوبوں میں شفافیت کے عنصر کو کلیدی اہمیت دینے کےساتھ ساتھ نفاذ کو ترجیحی بنیادوں پر یقینی بنانے کی ہدایت کردی۔
سمندر میں تیل و گیس کی تلاش معاشی ترقی کےلئے اہم پیشرفت ہے،وزیراعظم
پاک بھارت تعلقات میں اہم پیشرفت، مصدق ملک کی دہلی پرواز
سربراہی ملاقات یادگار سنگ میل ،امن کا پیغام،،مثبت نتائج نکلیں گے،چینی وزیر خارجہ
بلاول بھٹو نے ن لیگ کےساتھ ملکر پی ٹی آئی حکومت گرائی،نعیم الر حمن
چھوٹے صوبے یا بادشاہتیں اور شہنشاہ ایسے ملک نہیں چلے گا،سعد رفیق
دہشتگردی کی لعنت کو فیصلہ کن طور پر ختم کرینگے،فیلڈ مارشل
10اداروں میں کرپشن کا امکان زیادہ، اصلاح کیلئے رپورٹ تیار کرلی،وزیر قانون
شہباز کو 2مرتبہ وزیراعظم بنوایا،چاہتاہوں مدت پوری کرنےوالے پہلے وزیراعظم بنیں،بلاول بھٹو
روس نے پاک افغان مذاکرات کی بحالی کیلئے ثالثی کی پیشکش کردی
ایم کیو ایم کے رکن سندھ اسمبلی اعجاز الحق نے استعفیٰ دےدیا
















