ای سی سی نے آپریشن ”عزم استحکام“ کیلئے 20ارب کی منظوری دےدی

اسلام آباد: (بیورورپورٹ)ای سی سی نے آپریشن ”عزم استحکام“ کیلئے 20ارب کے فنڈز کی منظوری دےدی۔

وزیر خزانہ اورنگزیب کی زیر صدارت اجلاس میںرواں مالی سال آپریشن ”عزم استحکام“ کیلئے 20 ارب کی منظوری دی گئی،مختلف سپلیمنٹری گرانٹس ،ایف سی خیبرپختونخوا کےلئے 27 کروڑ 62 لاکھ،ریکوڈک منصوبے پر سکیورٹی اخراجات کیلئے ایک ارب 95 کروڑ 19 لاکھ کی گرانٹ بھی منظور کرلی گئی۔

اقتصادی رابطہ کمیٹی نے دوران اجلاس ایک لاکھ میٹرک ٹن چینی برآمد کی اجازت بھی دےدی،فیصلہ کیا گیا افغانستان کیلئے چینی کی برآمد بینک چینلز کے ذریعے مشروط ہوگی، برآمد ایل سی کھلنے کے 60 روز کے اندر کی جا سکے گی، چینی کی ریٹیل قیمت میں اضافے کی صورت میں برآمد فیصلے پر نظر ثانی ہوگی، حکومت ماہانہ بنیادوں پر قیمتوں کا جائزہ لے گی۔