ہربنس پورہ ،ایلیٹ فورس کی گاڑی نے بچے کو کچل دیا

لاہور:(کرائم رپورٹر)ہربنس پورہ میںایلیٹ فورس کی گاڑی نے بچے کو کچل دیا، پولیس وین کی ٹکر سے 9سالہ ریحان کے جاں بحق ہونے کی سی سی ٹی وی فوٹیج بھی سامنے آگئی ۔

ویڈیو میں دیکھاجاسکتاہے متوفی ریحان گلی میں سائیکل چلا رہا تھا تیز رفتار پولیس وین نے کچل دیا،حادثے کے بعد گلی میں موجود افراد بچے ،پولیس وین کے گرد جمع ہوئے اور 9سالہ ریحان کو ہسپتال منتقل کیا گیا لیکن زخموں کی تاب نہ لاتے ہوئے دم توڑ گیا،پولیس نے وین ڈرائیور کےخلاف قتل کا مقدمہ درج کر کے ملزم ساجد کو گرفتار کرلیا،جاں بحق ہونے والا ریحان والدین کا اکلوتا بیٹا تھا۔