جون ،جولائی تک آئی ایم ایف سے سٹاف لیول معاہد ہ ہوجائےگا،وزیر خزانہ

واشنگٹن :(خواجہ فاروق)وفاقی وزیر خزانہ اورنگزیب نے آئی ایم ایف سے جون، جولائی تک سٹاف لیول معاہدے کی خواہش ظاہر کردی۔

واشنگٹن میں پریس کانفرنس کرتے ہوئے وفاقی وزیر اورنگزیب نے کہامشن مئی کے وسط تک پاکستان پہنچے گا اور خواہش ہے جون کے آخر یا جولائی کے شروع تک سٹاف لیول معاہدہ ہوجائے،اورنگزیب نے کہاپروگرام کا حجم اوردورانیہ کیا ہوگا؟ ان پٹ بجٹ میں دی جائے گی،بڑے سرمایہ کاروں نے سرمایہ کاری کا عندیہ دےدیا،سعودی عرب پاکستان میں 5 ارب ڈالر کی سرمایہ کاری کرےگا، سعودی وفد نے بتایا کچھ ٹرانزیکشن آئندہ دنوں میں ہوجائیں گی،معاشی تعلقات کی بحالی پاکستان کی بڑی کامیابی ہے۔

وزیر خزانہ نے کہارواں سال سرکاری اداروں کے نقصان کا حجم 10 کھرب روپے ہے، ٹیکس بیس نہ بڑھائی تو آئی ایم ایف کا ایک اور پروگرام لینا پڑے گا،شرائط پرفیصلہ مئی میں ہوگا،سرمایہ کاروں کا اعتمادبحال کرنے کیلئے اقدامات کریں گے، مشکلات و چیلنجز کے باوجود آگے بڑھنا ہے،ٹیکس نظام میں لیکیج اور خسارے کو کنٹرول کرنا ہے، ٹیکس نظام کی بہتری سے محصولات میں اضافہ ہوگا،اداروں کی نجکاری پر کام جاری ہے، چینی مارکیٹ تک رسائی کیلئے بھی کوششیں کررہے ہیں، معیشت کی بحالی کیلئے سمت واضح ہے،ایف بی آر نظام میں ڈیجیٹلائزیشن لائینگے۔