سابق ڈی جی نیب کیخلاف ہتک عزت کا فوجداری کیس قابل سماعت

اسلام آباد :(بیورورپورٹ)عدالت نے طیبہ گل کی جانب سے سابق ڈی جی نیب شہزاد سلیم کےخلاف ہتک عزت کا فوجداری کیس قابل سماعت قرار دےدیا،دور ان ایڈیشنل سیشن جج سہیل نے طیبہ گل کی درخواست منظور کرتے ہوئے فریقین کو نوٹسز جاری کر دئیے،15فروری کو سابق ڈی جی نیب شہزاد سلیم کو عدالت نے ذاتی حیثیت میں طلب کر لیا۔

عدالت نے کہا ایس ایس پی رپورٹ کے مطابق شہزاد سلیم کےخلاف فوجداری کارروائی کرنے کا ثبوت نہیں ملا، وکیل صفائی کے مطابق شہزاد سلیم نے میڈیا پر ادا کیے گئے الفاظ کی تردید نہیں کی، شہزاد سلیم نے الزامات کو بڑھا چڑھا کر بیان کرنا قرار دیا لیکن تردید نہیں کی،ایس ایس پی کی رپورٹ کے مطابق بھی شہزاد سلیم نے طیبہ گل کےخلاف اپنے بیان کی تردید نہیں کی، بادی النظر میں شہزاد سلیم کےخلاف ہتک عزت کی دفعات کے تحت کیس بنتا ہے۔