منیر بھٹی لاہور بار کے صدر،رانا نعیم جنرل سیکرٹری منتخب

لاہور:(کورٹ رپورٹر)لاہور بار کے انتخابات میں عاصمہ جہانگیرگروپ نے میدان مار لیا،منیربھٹی3834 ووٹ لیکر صدر،رانا نعیم4010ووٹوں کےساتھ جنرل سیکرٹری منتخب ہوگئے۔

9مختلف نشستوں پر36 امیدوارمدمقابل تھے،14228وکلا نے حق رائے دہی استعمال کیا ،ووٹنگ کا عمل شام 5 بجے تک جاری رہا،سکیورٹی انتظامات انتہائی سخت رہے۔

کامیاب ہونے والے امیدواروں کے حامیوں نے جشن منایا،ڈھول کی تھاپ پر رقص کیا، وکلا لباس پہنے افراد کی جانب سے فائرنگ بھی کی گئی۔