کراچی:دکانوں میں خوفناک آتشزدگی،3افراد جاں بحق،کروڑوں کاسامان راکھ

کراچی(بیورورپورٹ)فرنیچر مارکیٹ کی دکانوں میں خوفناک آتشزدگی،3افراد جاں بحق،2شدید زخمی ،کروڑوں کاسامان راکھ ہوگیا۔

کراچی کے ضلع وسطی میں عائشہ منزل کے قریب کثیرالمنزلہ عرشی سینٹر کے گراو¿نڈ فلور پر لگنے والی آگ نے دیکھتے ہی دیکھتے پوری عمارت کو لپیٹ میں لے لیا ،کئی گھنٹے کی جدوجہد کے بعد قابو پایاگیا ،بحریہ کے 7 فائر ٹینڈروں اور عملے نے بھی آگ بجھانے میں حصہ لیا،آتشزدگی سے 3افراد جاں بحق،2شدید زخمی اورکروڑوں کا سامان خاکستر ہوگیا۔

جائے حادثہ پر رش کی وجہ سے امدادی کاموں میں رکاوٹ کا سامنا کرنا پڑا،ریسکیو حکام کے مطابق آگ شارٹ سرکٹ کے باعث لگی،متعدد گاڑیوں ،موٹرسائیکلوں ،رہائشی فلیٹ کو بھی نقصان پہنچا۔

ادھر گورنر سندھ کامران ٹیسوری،وزیراعلیٰ مقبول باقر نے آگ کا نوٹس لیتے ہوئے کمشنر کراچی سے رپورٹ طلب کرلی، کامران ٹیسوری نے کہا آتشزدگی کا واقعہ انتظامیہ اور حکومتی نااہلی سے ہوا،گورنر کی حیثیت سے ذمہ داری قبول کرتا ہوں،ایس بی سی اے سفید ہاتھی بن چکا ، کرپشن کا بازار گرم ہے، واقعات کی روک تھام کیلئے تمام سٹیک ہولڈرز کو مل کر بیٹھنا ہوگا،صرف احکامات یا اعلانات سے نہیں بلکہ ایکشن کرنا ہوگا۔