مہنگائی کے باعث محنت کش طبقہ معاشی طور پر شدید دباومیں ہے: شہبازشریف

اسلام آباد (مشرق نیوز) وزیراعظم شہباز شریف نے کہا ہے کہ مزدوروں کو معاشی ترقی میں حصہ دار بنانا بنیادی چیلنج ہے۔انہوں نے کہا کہ مہنگائی کے باعث محنت کش طبقہ معاشی طور پر شدید دباومیں ہے۔ اپنے ٹوئٹ میں شہباز شریف کا کہنا تھا کہ آج جبکہ ہم محنت کشوں کے عالمی دن پر انہیں خراج تحسین پیش کر رہے ہیں، حقیقت یہ ہے کہ عالمی منڈیوں میں اتار چڑھاو¿ نے محنت کش طبقے کی معاشی مشکلات میں شدید اضافہ کیا ہے، اجناس کی قیمتوں میں اضافے کی وجہ سے وہ معاشی طور پر شدید دباو¿ میں ہیں۔ شہباز شریف نے کہا کہ ترقی کی وہ عمارت جو محنت کی بنیاد پر کھڑی ہے اگر اس کی تعمیر کرنے والوں کو ترقی کے ثمرات سے محروم رکھا گیا تو یہ عمارت ٹوٹ پھوٹ کا شکار ہو جائے گی۔ وزیراعظم کا مزید کہنا تھا کہ مزدوروں کے حقوق کو پورا کرنا اور ان کو معاشی ترقی میں حصہ دار بنانا میرے خیال میں عالمی معیشت کےلئے ایک بنیادی چیلنج ہے۔