کالج پرنسپل ہتک عزت کیس میں 4 صحافیوں پر 5 لاکھ جرمانہ

اسلام آباد(بیورورپورٹ)کالج پرنسپل ہتک عزت کیس میں 4 صحافیوں پر 5 لاکھ جرمانہ،تفصیلات کے مطابق چیف جسٹس عمر عطا بندیال کی سربراہی میں 2 رکنی بنچ نے کیس پر سماعت کی، عدالت نے ایبٹ آباد کے لوکل اخبارات کے 4 صحافیوں کو سرکاری استاد کی ہتک کی مد میں 5 لاکھ جمع کرانے کا حکم دیدیا، عدالت رقم جمع نہ کرنے پر صحافیوں کیخلاف مناسب احکامات جاری کرنے کا عندیہ بھی دیا،چیف جسٹس نے حکم دیا صحافی عدالت کیلئے قابل احترام، آزادی رائے حق ہے،کسی کی شہرت کو نقصان پہنچانا کام نہیں،سرکاری کالج کے پرنسپل کیخلاف خبر کو صحافی عدالت میں ثابت نہ کرسکے، اب آپ کیلئے بہترین حل ہے پرنسپل سے معافی مانگیں اور صلح کرلیں،عدالت نے صحافیوں کو ایک ماہ میں 5 لاکھ جمع کرانے کی ہدایت کرتے ہوئے سماعت غیر معینہ مدت ملتوی کردی۔