عزتیں اچھالنے اور گالی گلوچ کرنے والے انجام کو جاپہنچے،مریم اورنگزیب


مری،لاہور:(مشرق نیوز،سٹاف رپورٹر)سینئر صوبائی وزیر مریم اورنگزیب نے کہا ہے پی ٹی آئی نے عوام کےساتھ جھوٹ ،فراڈ کیا، لوگوں کی عزتیں اچھالنے اور گالی گلوچ کرنے والے انجام کوجاپہنچے۔

کارکنوں سے خطاب کرتے ہوئے مریم اورنگزیب نے کہا ن لیگ کی حکومت نے مری ڈویلپمنٹ پلان ، نواز شریف نے کوٹلی ستیاں کو تحصیل کا درجہ دیا، وزیراعظم کا جہاز جس ملک میں داخل ہوتا وہاں سلامی دی جاتی ہے، شہباز شریف کے دور حکومت میں عالمی سطح پرملکی وقار بلند،دنیا پاکستان کی طرف دیکھ رہی ہے،پی ٹی آئی والوں نے اپنے دور حکومت میں عوامی فلاح کا کوئی کام نہیں کیا۔

سینئر صوبائی وزیر نے کہا پورے پنجاب میں بچوں کو لیپ ٹاپ مل رہے ،گلی محلے صاف ستھرے دکھائی دے رہے ہیں،کوٹلی ستیاں کی چیئر لفٹ ریکارڈ مدت میں مکمل کی جائے گی ،صوبے میںمزید 10 ہزار سڑکیں بنائی جائیں گی، پنجاب حکومت نے صحت کے شعبے میں نمایاں اقدامات کیے ،ستھرا پنجاب پروگرام کے ثمرات واضح ہیں۔