وفاق صوبے کے عوام سے سوتیلا سلوک بند کرے،وزیراعلیٰ کے پی


پشاور:(بیورورپورٹ)وزیراعلیٰ کے پی سہیل آفریدی نے کہا ہے اب پہلے سے زیادہ ڈیلیور کرکے دکھائیں گے، پالیسیاں عوامی مفاد میں بنیں گی۔

تقریب سے خطاب میں سہیل آفریدی نے کہاپشاور صوبے کا دارالخلافہ ،خوبصورت ترین بنانا سب کی ذمہ داری ہے،سب سے زیادہ قربانیاں صوبے کے عوام نے دیں، نیٹ ہائیڈل پرافٹ میں 2200 ارب بقایاہیں اب تک 700 ارب قبائلی اضلاع کے بنتے ہیں جن میں 500 ارب اب بھی بقایا ہیں۔

وزیراعلیٰ کے پی نے کہااین ایف سی کا شیئر 19.4فیصد بنتا ہے ، وفاق اپنی ذمہ داری نبھائے اور صوبے کے عوام سے سوتیلی ماں کا سلوک بند کرے،قانون میں کسی کو استثنیٰ نہیں دیں گے، پالیسیاں عوامی مفاد میں بنیں گی، عوام مطمئن رہیں، بانی کے ویژن کے مطابق کام کریں گے۔