دفاعی معاہدہ مثبت، ہر پاکستانی مکہ مدینہ کی حفاظت کرنا چاہتا ہے،بلاول بھٹو

کراچی(بیورورپورٹ) چیئرمین پی پی بلاول بھٹو نے کہا ہے پاک،سعودیہ دفاعی معاہدہ خوش آئند،وزیراعظم ،ٹیم کومبارکباد دیتا ہوں،ہر پاکستانی مکہ مدینہ کی حفاظت کرنا چاہتا ہے۔

صحافیوں سے گفتگو کرتے ہوئے بلاول بھٹو نے کہا سعودی عرب کےساتھ معاہدہ اہم پیشرفت ہے ،پاکستان پر حملہ سعودی عرب پر تصور ہو گا بھارت سے مقابلہ کرکے جنگ میں کامیابی سمیٹی،امید ہے وزیراعظم کراچی میں منصوبوں کی سپیڈ پراپنے وعدے پورے کریں گے،قدرتی آفت کے دوران سیاست نہیں کرنی چاہیے،ہم توسیاست نہیں کرتے مگرمخالفین کوئی موقع نہیں چھوڑتے،تاریخی سیلاب کے اثرات عوام بھگت رہے ہیں۔

چیئرمین پی پی نے پاکستان نے بدترین سیلاب کا سامنا کیا ، بدقسمتی سے قدرتی آفت کے بعد اب تک عالمی سطح پرامداد کی اپیل نہیں ہوئی،عالمی سطح پرامداد کی اپیل کرنا سیلاب متاثرین کا حق تھا،سیلاب سے پنجاب سب سے زیادہ متاثرہوا ، سندھ میں کچے کے علاقوں میں بھی لوگ متاثر ہوں گے۔